‘NA SERA ‘E MAGGIO  (E. Pisano\G. Cioffi)   Quanno vien'a 'appuntamento guarde 'o mare, guard' 'e ffronne. Si te parlo nun rispunne, staje distratta comm'a che. Io te tengo dint' 'o core, songo sempe 'nnammurata ma tu invece pienze a 'n'ata e te staje scurdanno 'e me. Quanno se dice "Sì", tienelo a mente! Nun s'ha da fà murì 'nu core amante. Tu mme diciste "Sì" 'na sera 'e maggio e mo tiene 'o curaggio 'e mme lassà! E mo tiene 'o curaggio… 'St'uocchie tuoje nun sò sincere comm'a quanno mme 'ncuntraste, comm'a quanno mme diciste: "voglio bbene sulo a tte". E tremmanno mme giuraste cu 'na mano 'ncopp' 'o core: "nun se scorda 'o primmo ammore", mo te staje scurdanno 'e me. Quanno se dice "Sì", tienelo a mente! Nun s'ha da fà murì 'nu core amante. Tu mme diciste "Sì" 'na sera 'e maggio e mo tiene 'o curaggio 'e mme lassà! ……………………. Tu mme diciste "Sì" 'na sera 'e maggio e mo tiene 'o curaggio 'e mme lassà!  

2015: Cd “Dietro un grande amore” (Gapp music, GAP 513476-5) 2022: La mia vita è un film - 55 ++ anni di musica (Gapp Music, GAP 513476-9)